12
07.2011

Day 2 日本 大阪 環球影城

世界上只有4個環球影城,兩個在美國,亞洲第一個正正在日本大阪,另一個新開的則在新加坡。今次 311 地震後,再加上今年是大阪環球影城十周年,7月尾前,外國遊客有買一送一優惠,平時要600蚊的門票,現在只需要300蚊,真是沒有理由不去見識下。

要去大阪環球影城,方法很簡單,乘搭JR関空快速到西九条站落車,去對面月台轉JRゆめ咲線・桜島行去ユニバーサルシティ站就到,落車後得一條路,無可能搵唔到,不過園區內所有食物都很貴,所以最好買定食物入去食,入場時就算見到你拎住食物,佢只會叫你放入袋內,無問題的

指定動作圖片

會場內有不少 studio information 板, show 哂全部 game 的等候時間及下場放映時間,方便遊客,大家應該好好利用安排玩的流程

環球影城假日有很多遊客,平日去遊客也不會少,今次揀在星期四去,遇著毛毛細雨,人流因此不太多,連最多人玩的spiderman,只需排5分鐘。實在是太好啦!!

雖然門外沒有人龍,不過其實入到去,都要排隊,這方面環球影城做得不錯,會令到你有錯覺門口經常無乜人,吸引你入到去就發現要排一段時間才有得玩。當然佢門口有寫大約的等候時間,大家可以自行判斷玩的流程

Spiderman是一個結合 3D 加上路軌車一路行一路有劇情發生的冒險遊戲,相當刺激,最正的是玩完一次,可以立即玩第二次,劇情及路線都會有些微的變化,排一次隊玩兩次,爽!!

第二站就到了珠羅紀公園區,之前做過功課,知道會濕身,所以沒有玩。睇人地玩都知是刺激游戲,從高處乘船滑下

玩時,大家可能沒有留意到,其實d水並非全部都是衝擊做成,為了營造效果,船一著地,有幾條水注射出,全架船都會濕哂

沒有看錯,全架船得兩個人,可想而知當天入場人數很少

恐龍餐廳起碼都要 100 蚊以上一個餐,沒有試,不過影相效果不錯

隔離就是水世界的入口,不過一日得兩場,大家要留意時間,因為真的很精彩

再順路殺落去就是大白鯊(JAWS),這個等得比較耐,要20分鐘(全日等得最耐的一個),船上不能拍照,一個乘船根據劇情發展進行的冒險遊戲,不過佢得日文導遊,我非常欣賞她講野非常生動,一日講十幾廿次,連續日日講,真係訓覺都識背翻出來,依然表情豐富,真是非常專業,聽唔明日文都可以感受到

再繼續行,雨繼續下,由於差不多到水世界的表演時間,所以在附近的shop睇下精品,之後1:15分就差不多入場

水世界是一個水做主題的表演,有打鬥,有爆破,有大型道具,有船,有水上電單車集於一身的演出,非常精彩,親身睇過就會知道!!

 

看台很大,大家千萬要記住,要坐中後排,如果坐最前5-6排,就要做好濕身的準備,真係兜口兜面咁潑過來,褲都扭得水出

 

睇完 water world,又繼續下一個遊戲,本來有個叫 Backdraft 的浴火赤子情可以親身入火場感受下,不過當天維修,真掃興......唯有到隔離的Back to the future玩,這個遊戲是坐在一輛類似車內 (像spiderman那些),不過沒有路軌,看著類似太空館的螢幕配合上下左右的搖擺,令你好似置身在現場一樣,都幾好玩,但不及spiderman刺激

玩完一輪都已經有點攰,之後到了未來戰士睇3D戲,頭半部份有個女人講解,聽不明日文,又要企係度聽,非常悶。不過之後的3D片,配合現場效果,都幾吸引!如果不是日文,應該會更投入

本來諗住睇史力加 4D,不過每場相隔40分鐘,很難就時間,加上又是用日文播,最後無去睇,請注意史力加和芝麻街都是同一場館播,上午就播史力加,3點幾後就開始芝麻街

雨繼續落,加上大部份遊戲都玩得7788, 便走入商店逛

這個時候,影城內到處都見到玩到筋疲力盡的的遊客

日本學生真是幸福, 每一個景點都會見到他們的蹤影, 和香港一年一度的遊行差得遠

回程時, 直接搭JR去到JR難波站地下街食野和shopping, 到處都大減價

最後入左間食定食的餐廳, 全部都唔過 1000 yen, 很抵食!!香港和民都要100蚊位啦

飯後食了串大阪醬油燒丸子, 6蚊有一串, 幾好食呀

返酒店時去了對面的便利店, 見到有鯨魚肉罐頭,都要40幾蚊一罐, 味道像魚, 質地似豬肉....試過就可以了.....

發表於2011.7.12
留言(2)

  • 雖然日本的環球影城未去過,但經過你的詳盡介紹如同親歷其景, 正
    13/07/2011
  • Shan Man
    買一送一優惠可否在影城門口買票?还是要預早買?
    21/07/2011
博客名稱 :
Eddie Pak
網誌名稱:
旅遊世界
使用天數:2,316
性別:
按月份瀏覽
    2020
  • 一月
  • 二月
  • 三月
  • 四月
    2019
  • 一月
  • 二月
  • 三月
  • 四月
  • 五月
  • 六月
  • 七月
  • 八月
  • 九月
  • 十月
  • 十一月
  • 十二月
>> 更多
系統分類
  • 環球旅遊
自行分類
最新留言