今日要想大家介紹一下一款近排由韓國hit到黎香港，再hit到返大陸既「智孝粉底」。

其實呢隻「智孝粉底」，全名叫Perfect Skin One Shot Stick Foundation三合一完美遮蓋粉刷，由韓國Jenny House化妝室推出，o係韓國都算中高價，換返做HKD都要4xx蚊。因為個全名實在太長，加上又有Running Man宋智孝代言，所以香港人都係叫佢做「智孝粉底」簡單D。

仲記得隻粉底o係韓國公開推出既第1日就比韓妹掃清光，呢支粉底神奇之處，就係中間其實係補濕精華，外面先係粉底，仲有SPF50 PA+++防曬，搽起上黎精華粉底防曬自動混合一齊，而且quality唔差，好貼好薄，補濕得黎又唔會痴笠笠，遮黑眼圈、斑點、痘印、皺紋效果都好好。因為佢有補濕，所以就算點乾既皮膚都可以照用。

「智孝粉底」仲贏在個懶人design，單係三合一已經夠晒懶，佢支筆另一面仲有埋粉刷，一支就咁袋出街都好OK，大過唇膏少少。個粉刷仲可以拆出黎洗，唔怕整污糟。

為左迎合香港市場(？)，除左有為韓妹而設既#21號偏白淺膚色，仲有#23號自然膚色，好適合鍾意自然裸妝之香港女仔。

「智孝粉底」官方Youtube簡介：

https://www.youtube.com/watch?v=YcwBAkRyNl0