2007年12月31日~2008年1月1日
同老公一齊渡過除夕夜，迎接新既2008年

除夕果日係屋企同我隻"豬豬"玩。
夜晚扮靚靚，7點鐘出門口去鰂魚涌等老公放工工，太約9點左右老公放工工，
之後一齊出左銅鑼灣，一去到已經話C出口時代廣場封左，之後要兜路行左好耐，見到時間仲早，決定去PIZZA HEART 食DINNER......之後搵左好耐先搵到間PIZZA HEART~

原本好開心家.....但係發現果"煩人"又打俾老公(之前老公已經叫左佢唔好再打黎家la，果"煩人"自己一冇人陪就搵我老公，好黑人憎啊)，老公怕我唔開心所以冇tell me(禁我就更加嬲la)，之後我忍唔住打俾個煩人問佢搵我老公咩事(第一次禁太膽)，點知佢d態度好串，仲要我老公打返俾佢，好嬲啊!!!!不過我都好大方禁叫老公打俾佢，果陣已經冇心情食野，之後老公氹我，算啦....老公又未食野，陪佢食囉，之後一路食一路嘈關於果"煩人"既野.....

食完之後我想走...因為心情好差，老公就不停氹我，當行到去時代廣場附近，
岩岩倒數中.....當所有人好開心笑住禁喊"6...5...4...3....2....1....happy new year!!!"
果陣.......我d眼淚已經開始忍唔住....係車上喊左出黎.....老公就係隔離攬住我同講對唔住.......(其實我明果"煩人"已經係老公既過去式，亦知道老公對佢態度較溫和係因為唔想做人太絕，而且加上果"煩人"有抑鬱症.....唔可以受太大激動....我明啊....
但係我都係女仔......我都會呷醋,小氣~~~   ><)

其實同老公一齊已經半年幾，我知道老公好錫我，(對唔住啊,老公,我整日發脾氣!)
我地都係想同對方一齊長久....
希望2008年係新既開始....我地唔洗再為果"煩人"吵.....可以開開心心!!!!!!

P.S.---To煩人

希望你可以唔好再打擾我地，有病唔係大晒家....我忍你,讓你，係體諒你，亦希望你檢討一下自己既做法，諗下你依家個BF既感受(無論你對依家個BF係米認真)，唔好再做D衰人不利己既野，(你以前做過既衰野你自己知)，最後都希望你同你既另一半有個開心既2008年!!)