11
09.2021

溫和去角質-Evolcare Skin Revive絲瓜磨砂膏,深層清潔+紋理修復,令肌膚變得柔嫩透亮 

美容時尚(護膚)  
標籤: 磨砂膏 

就算成日做足皮膚清潔,塊面摸起身仲係好粗糙,導致上妝唔貼服,其實係咩原因?咁係因為皮膚角質層太厚喇,影響咗皮膚對護膚品養分嘅吸收。所以如果唔解決角質厚嘅問題,就算我哋搽再多護膚品,皮膚粗糙嘅問題依然好難得到改善。 

講起去角質,Evolcare Skin Revive絲瓜磨砂膏係一個唔錯嘅選擇。每個星期我都會堅持使用一次呢款磨砂膏,令皮膚可以得到深層清潔,確保皮膚可以保持柔嫩透亮。 

Evolcare Skin Revive絲瓜磨砂膏含有天然絲瓜顆粒,可以幫助深層清潔毛孔,去除老化角質,非常適合膚色暗沉嘅人使用。而且呢款絲瓜磨砂膏含有絲瓜味道,非常清新。下面我哋就一齊嚟了解下呢款磨砂膏究竟有乜特別之處。 

皮膚點解要去角質? 

皮膚角質層嘅作用係保護肌膚同埋幫助保濕鎖水,正常情況下,每隔28日角質細胞就會進行一次新陳代謝,但如果我哋成日捱夜,又無定期做深層清潔皮膚嘅話,就會導致皮膚角質細胞無法正常進行新陳代謝。 

皮膚無辦法進行新陳代謝時,代謝廢物就會堆積喺皮膚表面,導致皮膚無法正常吸收護膚品嘅養分,令皮膚更容易出現面色暗沉、粗糙等問題,所以呢個時候就算我哋用再貴嘅護膚品同化妝品都無用。 

 

點樣選擇去角質產品? 

想要揀啱適合自己嘅去角質產品,我哋首先就要清楚自己嘅膚質類型,如果你係敏感膚質、乾性膚質或者係皮膚比較薄嘅人士,咁就最好要選擇溫和嘅去角質產品。 

去角質分為物理同化學兩種方式: 

物理去角質係使用含有鹽、砂糖、水果皮、植物種子、米糠等天然研磨微粒嘅磨砂膏進行肌膚清潔。 

化學去角質係使用水楊酸(SA)、果酸(AHA)等酸類物質或使用俗稱酵素嘅木瓜蛋白酶、南瓜酵素等蛋白酶類物質進行面部清潔。 

兩種去角質方式中,使用物理方式嘅傳統磨砂膏對皮膚嘅傷害比較大,使用含有酵素成分嘅化學清潔方式會比較溫和,其次就係用酸類物質。 

 

酵素去角質嘅天然優勢 

人體內本身就含有成千種酵素,佢哋分別具有分解和消化食物、增生和修補細胞嘅作用。對於皮膚嚟講,酵素可以幫助分解皮膚入面老化嘅角質層,而且仲可以將分解後形成嘅氨基酸用嚟滋養同修復肌膚,所以使用提取自植物嘅天然酵素清潔肌膚會更加安全,同時去角質嘅效果亦非常好。 

 

Evolcare Skin Revive絲瓜磨砂膏成分 

Evolcare Skin Revive絲瓜磨砂膏係一款酵素去角質產品,佢係我目前見過最溫和嘅一款磨砂膏,其主要成分有: 

天然酵素:南瓜酵素同紅石榴酵素

果酸:屬於水溶性酸嘅甘醇酸

維他命C:幫助肌膚補充營養

精華萃取物:絲瓜萃取物同大白菜根萃取物 

除此之外,呢款磨砂膏無添加任何油脂或微塑料,成分都係天然物質。市面上好多磨砂產品都含有微膠珠,而呢啲微膠珠通常都會隨污水流返大海。海洋生物會誤以為係食物而吞食佢地。呢啲微膠珠會令生物嘅消化能力變差,甚至損害佢地嘅消化系統導致死亡。所以使用Evolcare Skin Revive絲瓜磨砂膏就唔會有呢個憂慮,既可以保持海洋清潔又可以保護海洋生物嘅安全。 

 

Evolcare Skin Revive絲瓜磨砂膏功能 

天然酵素成分可以將老化嘅角質層細胞消化分解,佢喺深層清潔毛孔嘅同時仲有提亮膚色嘅效果,令肌膚睇落更加通透。 

果酸成分可以促進老化角質同肌膚分離,令死皮可以更快剝落,幫助肌膚回復光滑細膩。 

維他命C可以淡化黑色素、活化細胞、提亮膚色。 

精華萃取物有軟化角質、補水保濕、修復肌膚等多種護膚功效。 

 

Evolcare Skin Revive絲瓜磨砂膏使用方法 

1)用溫水濕潤面部,然後輕輕咁將磨砂膏搽喺面部 

2)等待 1 分鐘後,溫柔按摩面部肌膚,加速老化角質層剝落 

3)用溫水清洗乾淨面部肌膚後,輕輕擦乾面部多餘水分 

溫馨提示:使用磨砂膏時需要避開眼周肌膚,使用後都要注意做好防曬保護。 

發表於2021.9.11
留言(0)
博客名稱 :
AlysiaChow
網誌名稱:
AlysiaChow's blog
使用天數:200
性別:
年齡:25
電郵:Cheryloe@outlook.com
按月份瀏覽
    2022
  • 一月
    2021
  • 一月
  • 二月
  • 三月
  • 四月
  • 五月
  • 六月
  • 七月
  • 八月
  • 九月
  • 十月
  • 十一月
  • 十二月
>> 更多
系統分類
  • 美容時尚
自行分類
最新留言